真係好消息，英國終於宣布可以俾乘客攜小量行李上機啦！之前聽到話唔准攜手提行李上機，對我這種經常出外公幹的人來說，真係擔心咗好幾日，因為冇手提行李實在好唔方便。相機、電腦、手機通通要寄艙，萬一一個唔覺意寄失行李，又或行李被人偷咗貴重嘢，保險公司唔肯賠，你話點算好？尤其坐長途機，冇部iPod喺身，你話點樣捱呢？不過當你知道一樽液體加部iPod已經係個遙控炸彈，諗起都好得人驚，於是網友喺Yahoo討論區內一齊諗計對付，其中“yot4b32”就提出「最有效的客機反恐措施」：
1.天體乘客機，（各乘客）脫光衣服；
2.客機分全男/全女班；
3.上機前經Ｘ光檢查；
4.下機後才取行李，穿衣服。
裸體？女人月事到來真係唔知點算好，赤身露體坐在座椅上都唔衞生啦。不過講甚麼都冇用，恐怖分子防不勝防，最好世界和平，冇晒紛爭，咁大家出外旅遊、公幹就安心啦。
相關網址：hk.messages.yahoo.com
piggy