正值盛年的女兒患血癌離世後，58歲的景叔自此孤身一人，他早前因找不到工作，無法繳付租金及水、電費用，綜援申請又在審批中，被迫向蘋果日報慈善基金求助。讀者閱報後對景叔情況深表同情，捐款幫助，記者日前將善款13,320元交予景叔簽收。
記者到訪時正值中午，景叔只以鹹菜及榨菜佐粥，「我得到你哋幫助嗰陣，綜援金亦都啱啱批咗，𠵱家每個月有2,800幾蚊，可以勉強應付，就要慳啲使，呢啲鹹菜榨菜，幾蚊就夠我食成個禮拜㗎喇！」
「食飯錢都唔夠」
其實，景叔吃粥亦有其他原因，「我啲牙有問題，成日牙痛，搞到塊面都腫埋，食粥會舒服啲。其實，我啲牙係要補或者剝先至可以好，但係我連食飯錢都唔夠，仲邊有錢睇牙醫，所以就由得佢。不過𠵱家有讀者捐款，我就可以用啲錢嚟睇牙。」
景叔妻子多年前已去世，與女兒德慈相依為命，在食肆當散工維生，女兒是家庭經濟支柱。可是德慈於01年患上血癌，兩年前因肺功能嚴重衰竭逝世，享年25歲。景叔自此靠在食肆當散工過活，惟因年紀漸大，經常失業，兩個月前連租金亦未能支付，只好向政府申請綜援金，由於當時綜援金尚未批出，景叔再向蘋果基金求助，當時獲蘋果基金撥款5,000元應急，繳付租金及生活費。
捐款編號：C2086