一向都覺得順德薑汁撞奶很神奇，為何不用煲不用蒸也不用燉，薑汁混合牛奶便會凝固起來？走訪香港第一家薑汁撞奶專門店「葫蘆館」，想不到居然連老闆陳先生也解釋不來：「我哋撞足13年咯，點解會凝固？原理我就唔知喇，我淨係知撞奶一定要用水牛奶，第二啲奶一定唔得㗎。」陳老闆母親是順德人，教曉幾個兒子撞奶，幾兄弟便想到以此特色好玩甜品作為謀生，現已接手管理店子，兼是撞奶專家的老闆娘陳太，回想港人見撞奶的反應，仍笑不攏嘴：「香港人好鍾意睇㗎，覺得好神奇嘛，想當年成日有客人叫我表演畀佢哋睇㗎。」她試過十字牌、牛奶公司、維記的牛奶，統統不成功，現在靠每天在深圳訂回來的水牛奶，做原味、朱古力、阿華田、好立克、杏仁、椰子和咖啡7款味道的薑汁撞奶。
撞奶易學難精，陳太教店長阿姐幾年，阿姐仍偶會失手：「我學咗幾年先撞得好。」原來撞奶不需要出盡九牛二虎之力，「倒都得㗎，最緊要水牛奶同薑汁比例份量適宜。撞奶最緊要滾，一唔滾就撞唔成。」拍照時，攝影師不斷要求：「阿姐，唔該，唔該Hold撞奶嘅動作，係，你係醒，Hold住。」撞奶只需5秒，卻因多番拍照，累得阿姐要不停用微波爐翻熱水牛奶，拍一個動作，共翻熱了十幾次，對溫度要求一絲不苟，現在才知道，一碗美味的薑汁撞奶，不是靠撞彩撞出來的。
原味（前）、朱古力薑汁撞奶$19
薑汁可多可少，建議先試一碗，嫌不夠辣再逐步加辣，提醒大家，加少少薑汁已經辣得很厲害。
葫蘆館（27705150）
地址：旺角豉油街50號9號舖