鈴木京香之所以成為公認嘅日本實力派女星，除咗因為有演技，最重要係肯挑戰唔同角色，繼喺電影《Zebraman》中扮演性感女超人後，最近又喺新片《阿根庭婆婆》入面扮演怪婆婆，令人耳目一新。鈴木京香化呢個老妝，十足十女巫咁，但原來片中嘅佢識跳探戈，所以被封為阿根庭婆婆。好戲嘅役所廣司同青春女星堀北真希都有份主演呢齣戲。