諗咗好多日，究竟「壟斷」是甚麼一回事。反壟斷係主流，但係我又覺得壟斷有時候又幾好呀！以睇波為例，如果有一間機構攞晒所有轉播權，相信球迷樂意見到，總好過分散於多間電視台。我希望不久嘅將來，有一間電視台可以壟斷足球轉播，直到我去天堂或者地獄為止！
友誼賽捧強隊要三思
如果你係教練，踢完世界盃不久又要再比賽，你會點做？強隊教練會講：「放心啦，帶住班細就ok啦！」二、三線國家隊教練會講：「世界盃已過，我哋放眼歐國盃，努力！」如果以上情況真係出現，我會預測今明兩日嘅賽果分別如下。
西班牙會證明自己嘅實力，大打進攻足球，開大兼「客勝」！另外，我會用多啲時間留意俄羅斯，以前蘇聯係我至愛，88年睇住戴沙夫被尹巴士頓射死……，屈指一算，差唔多20年了！戲劇地，荷蘭人軒廸克執教俄軍，我相信俄羅斯昔日光輝會重現，加上中俄友好關係，我更撐俄羅斯！
法意德荷目標係和
至於捷克仲係摸索階段，小心！英格蘭，一隊令我討厭嘅球隊；不過客觀講，主場會踢得好啲，但我預計，呢場似和！法、意、德、荷會出幾多力？我諗佢哋嘅目標係和波！
周鵬
商業1台《球迷集中贏》主持
電郵：[email protected]