想充份享受陽光，最好是出海玩水上活動啦，不過若防曬準備工夫做得不妥，面上分分鐘會形成幼紋。經常出海玩滑水嘅應采兒，卻有一套專為開船P嘅扮靚和抗皺心得；仲有養顏食品和教你挑選sexy搶眼的泳衣，保證你能成為船P萬人迷！
記者：黎婉薇
攝影：伍慶泉
Model：KimiLuk
出海最緊要防曬
香港海灘成日人逼逼，出海就不同，環境美麗，連應采兒都話：「坐船出海既可躺在甲板上曬太陽，又可以玩我最鍾意嘅滑水！」出海前，當然要塗好防曬用品，否則很易出現雀斑和幼紋。「平時出海，化妝會一切從簡，我會選擇一些可抗表情紋和防曬防汗嘅濕粉底，妝容就唔會太快甩掉，亦唔使經常補妝。」
因為要游水，所以應采兒絕不搽眼影，只塗防水睫毛液或塗earthtone胭脂，以突出眼面輪廓。
船河妝
髮型
應采兒：「玩水上活動時，披頭散髮會令人感覺尷尬！頭髮長長的女生最好束起馬尾，或者在前額盤起一個小髻，增加層次感。」
快靚正
出海妝物
AgeDefyingLightMakeupwithBotafirmTM（＃32）$148
連續用14日可減淡幼紋，具防曬防汗配方。
LuxuriousLengthsMascara（＃02）$95
能防水並使睫毛增長50%，鬈曲度亦達50%。
PowderBlush（＃581）$95
色澤持久，質感幼滑，盒內備胭脂掃及伸縮鏡子。
AllfromREVLON28900880
兩件頭泳衣殺晒
想曬太陽曬得均勻，最好當然是穿上bikini啦！落水前襯條百搭小短裙，變多個look，即刻型晒！亦可着一套掛頸款式嘅兩件頭，貪其不易走光。至於pattern方面，夏威夷花花就襯晒夏日陽光氣息，假如你擁有古銅的健康膚色，咁就更perfect！
玩完之後都要補
按摩防皺
出海曬成日，好易有皺紋，應采兒會做眼部按摩來作舒緩。「我會做massage來減輕表情紋，促進眼部血液循環，減淡眼袋。平時我會自製栗子蜜糖面膜敷面，栗子含豐富維他命B，能潤膚防皺。傳說慈禧太后都係用栗子敷面來保持青春㖭！」
接摩有序
栗子蜜糖去紋面膜
材料：栗子6粒、蜜糖2茶匙
做法
把已烚熟栗子冷卻，去殼搗成粉末狀。加入蜜糖，把栗子茸拌成膏狀，敷在面部約30分鐘，然後用清水洗淨。
食車厘子豆漿美顏
「補」，不一定要吃燕窩，多吃車厘子、豆漿和芝麻糊等食品亦有養顏之效，更助改善血液循環及收緊皮膚。
車厘子補血
車厘子含鐵質、礦物質和維他命，有補血之效，顏色愈深，所含的營養愈豐富。
豆漿滋潤肌膚
豆漿由黃豆製成，可降低血脂肪又可促進血液循環，滋潤皮膚。
芝麻糊防皺
芝麻糊有效保持青春，含豐富蛋白質，可避免皺紋過早出現。