何超儀前晚與陳奕迅（Eason）等老友舉行音樂會，老公陳子聰缺席，超儀又唱又跳露黑底。Eason獲老婆徐濠縈捧場，他自言在台上用眼神與老婆傳情，力證老婆與「底褲太子」Marcus的緋聞影響不到二人感情。
何超儀、陳奕迅、梁漢文、劉浩龍及葉佩雯前晚在九展演出「音樂潮拜——何超×GIG友音樂會」，徐濠縈、梁漢文女友Karen、何超瓊與何超蕸偕老傭人一同到場打氣，陳子聰則缺席。
超儀榮升媽媽
超儀演出時極度投入，身穿超短裙又唱又跳，擘髀露底兼露bra邊，她更趁老公缺席，大爆秘密說：「有次陳子聰喺屋企攞住個公事包，於是就俾人叫佢做爸爸，我都無啦啦做咗媽媽。」最後眾星大合唱，又忽然獻唱生日歌，原來劉浩龍昨日生日。
前晚徐濠縈與黃偉文在開騷中段才趕到，阿徐談到與「底褲太子」Marcus的緋聞時說：「唔好提呢啲嘢，有幾成真大家都知。」對於Eason曾表示會返家斥她不要再爆家事，阿徐說：「佢講笑，我哋梗係互相信任，唔會為報道傷感情。」Eason表示在台上用眼神與老婆傳情，他說：「你哋唔知啫，咪理我啦，我哋冇影響感情。」
此外，Eason昨日以「奧比斯光明大使」身份到新都城出席記者會，他說：「我覺得香港人太幸福，等個女大咗之後，我一定會帶佢去貧困地區做探訪，等佢人生經歷豐富啲，又可以令父女之間嘅溝通多啲。」
採訪：王連連、李珮洳 攝影：仇志德
