《美女廚房》播映差唔多兩個月，一直都係城中話題，最近有網友討論「鍾意睇《美女廚房》啲乜？」總共有62個網友留言，望一望，大家竟然唔係最鍾意睇靚女，而係睇啲靚女點樣俾人玩！網友luimeiyau話：「睇吓啲靚女們點樣雞手鴨腳整嘢食！」v6v就咁話：「煮得好反而無咗個樂趣！」睇嚟啲嘉賓點索都唔及入廚出醜咁好睇。
除留言外，另有186個網友投票，鍾意「睇嘉賓點俾人玩」有131票，「睇靚女」有31票，最少人投嘅項目就係「學煮嘢食」。好明顯喇，呢個節目絕對唔係教人煮嘢食，我就非常同意網友wlkwong一句：「tvb擺明玩啲嘉賓呀！」無綫只不過舊酒新瓶，好似以前嘅獎門人一樣，利用明星出醜爭收視，衰得過啲明星又甘願俾人玩喎，真係吹佢唔脹。
網址： http://forum.uwants.com/viewthread.php?tid=2373909&extra=page%3D1&page=1