現年26歲的有線前CatGirl黃美妍（May），天賦豐滿身材，她自爆近日饞嘴而胖了10磅，上圍也隨之升cup，由33B升至34C。日前May穿上三點式拍照，波濤洶湧，擁有健康膚色的她表示曬太陽時會解去背帶，以免背部留下泳衣印。
前CatGirl黃美妍日前穿上三點式泳衣，大晒34C、25和34.5驕人身材，曬得一身古銅肌膚的她先後換上白色和粉紅泳衣，份外搶眼。
炎炎夏日，問May有甚麼降溫方法？她說：「我好鍾意戶外活動，尤其曬太陽同玩水，不過我唔識游水，太危險嘅wakeboard都唔係好敢玩。」
勤塗潤膚露
May認為一身黝黑膚色更富健康美，但要曬得靚都有竅門，她說：「我好鍾意去泰國曬太陽，嗰邊啲陽光比香港仲猛啲，我今年去咗三次，加上平時得閒都嚟海灘曬吓，咁就曬到咁靚。我覺得𠵱家膚色啱啱好，唔可以再深，都可以keep住成季，曬黑咗睇落去好健康。」
要保持皮膚光滑，May教路每晚勤塗潤膚露，始終皮膚經常接觸陽光會比較亁，需要滋潤。不少愛曬太陽的女性，都遇到背部膚色不均勻的問題，May說：「有時冇人，我都會解咗背帶去曬，咁就冇泳衣印喇。」
曬燈顏色啞
不少藝人怕熱，所以選擇曬太陽燈代替，May對此說：「曬太陽燈係可以好快曬到要求嘅膚色，但出嚟嘅顏色較啞，冇曬真陽光咁令。」
採訪：比華利 攝影：林德雄
