久未露面的譚玉梅前晚與胞妹譚紅梅一個低胸、一個中空，性感雙打地出席名酒活動。譚玉梅風騷暢談北京進修企業管理及讀英文，又自爆獲I.T.公司聘請，正等待Mr.Right，但問到舊愛趙世光，她即低頭走人拒提舊事。
威士忌JohnnieWalker前晚在灣仔舉行音樂派對，久未露面的譚玉梅和譚紅梅以性感姐妹花造型捧場，前者穿上早前名模AnaR.穿過的D&G藍色黑喱士裙，酥胸半露；後者中門大開，令人咋舌。
「有人欣賞我」
譚玉梅透露剛自北京回港，月底再返京，她說：「我𠵱家喺北京修讀企業管理，應該聖誕可以讀完，𠵱家已經有一間公司請我，間公司係做I.T.業務，下半年仲會嚟香港發展開業，我仲要讀好英文，因為工作夥伴多數係外國人，同埋我要勤學打golf，一個月打兩次，對未來工作有利。」
問離港多時，感情生活肯定精采，譚玉梅風騷地說：「冇男朋友呀，有人欣賞我，不過唔係追求者，嗰個就係我老闆喇！」問不想快點結婚嗎？她說：「一路喺度等緊呀，不過我要搵到自己喜歡嘅人先得，𠵱家太忙冇時間搵。」
「呢啲我唔講」
問可有抽時間聯絡趙世光？本來侃侃而談的譚玉梅，即時垂低頭邊行邊謂：「呢啲我唔講！」快步入場。此外，薛芷倫緋聞男友巫雨平、前歌手紀利和黃百鳴女兒Alvina均有出席。
採訪：MaKinWah
攝影：ChenWaiOn
