為咗紀念葉挺將軍誕生110周年，馬交鏵好識做，叫澳門政府維修葉挺喺澳門嘅故居，噚日仲大事鋪張，整過個「葉挺故居」嘅掛牌儀式，鏵哥親自到，全國政協副主席馬萬祺、澳門中聯辦主任白志健亦一齊嚟做吓騷。
讀過近代史，一定識呢位令新四軍贏得「鐵軍」稱號、被譽為「北伐名將」嘅葉挺將軍，佢係廣東惠陽秋長鎮人，喺保定軍官學校畢業後參加粵軍，擔任過孫中山嘅警衞團二營營長。
但葉挺將軍同澳門有深厚嘅淵源，就唔係咁多人知。原來從1927年至1942年，葉挺一家住喺澳門賈伯樂提督街76號，葉挺九位子女，有七位都係喺呢度出世，第日過開大海，真係要叫架車兜去睇一睇。