鄧麗欣（Stephy）、傅穎、薛凱琪、方力申及組合Krusty等前晚到大學會堂擔任「2006校花校草選舉」表演嘉賓，作為千禧年校花的Stephy，當年就讀佛教沈香林紀念中學，她憶述比賽的情形：「決賽嗰晚要我哋食鳳爪，吐骨出嚟要排番隻鳳爪樣，好考儀態。」Stephy坦言當年比較內向和自我封閉，好友便偷偷拿她的相片去報名參選，Stephy要看雜誌才知自己入圍，現在回想起也要感謝好友。
花姨游說選亞姐
Krusty成員張詠恩（Jan）自爆日前與活己嵐逛街時巧遇宮雪花，對方力邀她們參選亞姐，阿Jan說：「我好愕然，咪話佢知我係歌手囉，佢問我要電話號碼，我畀咗經理人公司嘅電話佢，佢話會約我食飯喎，都怪怪哋。」她又表示沒有勇氣穿比堅尼，故不會選美。當阿Jan得悉宮雪花兒子曾選港男後，她笑說：「蝕咗，如果佢娶我做新抱都好喎！」
薛凱琪上周五生日，被狗仔隊追蹤，她說：「朋友都驚咗，正日喺屋企孤獨過囉，都唔算慘，我唔想影響朋友嘛，都有好多朋友打畀我。」
採訪、攝影：張俊銘
