李彩華（Rain）、Shine和陳小春等昨日在奧海城出席雜誌周年派對。Rain身穿小背心和迷你裙亮相，並在波鞋上畫公仔，準備送給現場觀眾，但竟有小朋友衝上台拿走波鞋，後來Rain落台派禮物，觀眾伸手搶接，其中竟有祿山之爪，幾乎碰到其胸部，嚇得她花容失色。
事後Rain說：「我唔驚，都摸唔到。」談到小朋友衝上台，她說：「𠵱家啲小朋友同我哋嗰陣好唔同，我哋細個好含蓄，想要乜都怕醜唔敢要，佢哋就識表達感受。」
天佑死撐冇打交
Shine成員徐天佑自爆出與鈴木仁衝突後，昨首次公開亮相，之前他否認事件，昨日仍死撐說：「當日我有朋友生日先去Volar，有同鈴木仁簡單sayhi，但冇打交同冇出言侮辱佢。」至於鈴木仁已接受道歉，天佑經理人Amy說：「我冇打過電話畀佢哋，係同事聯絡過，成件事對兩個年輕人都唔好，我有提議佢哋打吓友誼波或者合作，但未成事。」
陳小春則拿出毛澤東的《毛語錄》拍賣，他說：「香港係中華人民共和國嘅特別行政區，我哋要尊敬先驅，毛主席好型。」
採訪：何永寧 攝影：仇志德
