再講內地地產股，今日推介越秀投資（123）。
越投係暗室內的巨鑽，只要放在陽光下，就會光芒四射，令人眩目；內地地產股中，越投股價有條件在07年上升1倍。
地產業雖係內地冷卻經濟主力調控對象，但汰弱留強，地產業的發展會更穩定和健康，對強者如越投和中國海外（688）等會更有利。越投業務主要集中在廣州和周邊地區，今年以來，廣州等地的樓價仍穩步上升，調控措施只係令買家入市「諗多幾諗」，較為審慎，令樓市的升勢略為放慢而已。廣州地區經濟持續快速發展，樓市始終有強大需求。
越投05年（12月年結）盈利25.2億元，大增8.27倍，主要係受惠分拆越秀房託（405）上市，套現33億元及22億元盈利貢獻，每股盈利0.395元，派息連特別股息合共8.7仙。
有分拆概念
要留意嘅係，越投去年底的每股資產淨值係1.59元，股價1.41元，市賬率約0.9倍，相比同業多數的2至3倍，越投市賬率極為偏低。以往越投經營手法保守，但分拆越房令負債比率大降，由前的73.8%落到20%後，財況大有改善，公司亦已開始變得更為進取，有前景配合，市賬率亦會回升到較合理水平，以1.5倍計，股價已可升上2.38元。
仲有，話越投係巨鑽，主要係佢早幾年注資後，擁有大量低成本嘅土儲，以目前市價計，升值已非常可觀。越投現有土儲約580萬平方米，每平方米成本不足2000元人民幣，好保守計都未及市價一半，計番升值條數，全部土儲嘅實值可增加116億元，平均每股越投1.75元，每股資產淨值高達3.34元。
除資產豐厚外，越投仲有好多對股價利好嘅因素，包括：（1）投資物業注入越房，提供盈利貢獻；（2）控股公司會進行注資，增加土儲；同（3）佔51%權益嘅造紙業務會分拆上市，去年此方面應佔收益達9600多萬元。
越投一向表現較為慢熱，在內地地產股強勢帶動下，上周五終於破位而上，一舉而升破3條短期平均線阻力，今年內有機會重上5月高價1.95元，以1年為期，目標價係2.90元。
郭兆誠