阿Wing：「我鍾意阿笨，佢好有人性，又得意，我係睇TVB播嘅，ILoveYouBoyz配音都OK，睇起上嚟都親切啲，我每集都有追睇，因為我好鍾意小動物㗎。」
彭小姐：「我有睇過《阿笨與阿占》，係喺網上睇，唔知TVB有播，我鍾意猩猩阿笨多啲，因為佢真係好似人，笑到人碌地，我都好想佢嚟香港，見吓佢真樣。」
Yan：「我冇真正睇過一集，但就聽過佢哋嘅名，都有睇過預告，單睇啲片段已經覺得隻猩猩好得意，加上有少爺占配音，都會幾吸引。」
阿Bi：「我有睇過，猩猩同老虎狗我都好鍾意，不過阿笨嘅舉動真係好似人，真係好得意，而且有廣東話配音又生動啲，我會繼續集集睇。至於想唔想見佢哋嘅真身，就冇乜所謂。」
採訪：駱華齡
攝影：陳順禎