鍾嘉欣和林峯昨日凌晨在西貢拍攝由劉家豪監製的無綫40集長劇，劇情講述林峯向鍾嘉欣送花示愛，隨後更深情一吻。該場咀戲由昨日凌晨12時拍至3時許，之前借位試咀，到真正埋位時則拍了兩次，林峯說：「我哋第一次合作，佢有啲緊張，可能太多人。」
聽到呼吸聲
拍完後，二人隨即一同大笑，林峯說：「因為我哋近到聽到對方嘅呼吸聲，我有食薄荷片除口氣，呢啲係演員道德。」鍾嘉欣則說：「我刷咗牙，尷尬都有啲，我女仔嚟㗎嘛。」她續說：「上次錫吳卓羲係螢幕初吻，拍得唔放，今次冇咁緊張。」
此外，鍾嘉欣昨日在銅鑼灣出席「LuxSuperRich全新系列揭幕」時，表示希望多接不同類型產品的工作，她說：「只要產品唔違反保護動物嘅原則，同唔使我着太少，都冇問題嘅。」
採訪：何永寧、卓美娟
攝影：陳志嵐
