韓國人氣組合神話成員Eric同女星韓智敏，喺今年1月因拍攝劇集《狼》而撞車受傷，搞到劇集爛尾。據知SBS電視台方面有意拉攏Eric同韓智敏再拍攝由韓劇《小姐愛無賴》間製作公司製作嘅新劇。另外神話會喺周六（19日）於泰國舉行演唱會，近日泰國市面出現唔少印咗神話六子靚仔樣嘅老翻精品，搞到神話嘅唱片公司要發聲明打擊老翻。