香港汽車維修同業商會理事長李耀培稱，雖然香港的法例沒有明文禁止私家車安裝錄影設備，但這些設備會阻礙司機的視線，對行車構成危險，因此並不鼓勵司機安裝攝錄機，「與其去申辯自己有冇違法，倒不如專心啲揸車啦。」
隨時令注意力分散
警察員佐級協會主席鍾錦華則表示，目前本港只有很少數的司機會在車前裝攝錄機，但如果它的確記錄了事發時的行車情況，這些錄影帶是可以作為有效證據，「當然，大前提係攝影機唔會分散司機嘅注意力，如果（司機）揸車時掛住留意錄影情況會好危險。」
只想到要保護自己
香港心理學會註冊心理學博士羅志華認為，肇事司機安裝攝錄機在車頭的做法顯示他沒有安全感，「佢可能好易受傷害，覺得唯一可以保護到佢嘅就係（車禍）之後告佢，錄低咗亦都方便佢上庭或者事後claim保險。」他又稱這一類人通常較為自我中心，「佢一心要保護自己，但係就唔會諗到要保護其他人。裝咗舊嘢喺前面，揸車嘅時候距離感會唔同，好容易會撞親人㗎嘛。」