雞髀、雞翼or雞翼尖、雞胸、雞腳、雞軟骨同雞屁股6個部位，邊忽最正？呢個題目夠無聊，足夠網友講足成個月，投票結果各有捧場客。結果？係雞翼以1票之微險勝雞髀，結果都好正路。問我，我一向支持雞髀，貪佢啖啖肉，肉質又夠滑，又睇吓其他網友點講──bird1015食得好刁鑽：「鍾意食雞髀與雞腳間既（嘅）較（骹）位。」Viv答得最大路︰「雞脾（髀），但BBQ就鍾意雞翼！」t-chopper答案代表到大眾心聲︰「雞脾（髀），仲要係炸脾（髀）。」最過癮都係天使仔仔，答咗等於無答：「其實……我好花心的……所以我唔投，雞脾……炸最正……不過肥死；雞翼……Dinner'老'（鹵）水汁煮……最好加埋雞翼尖……正呀；雞胸……KFC；雞腳……小食……白雲個（嗰）隻……酸酸地（哋）……正；雞軟骨……去食日本野（嘢）個（嗰）陣……必食。」雞確係正，如果無禽流感，我諗仲好味。
網址︰ http://www11.discuss.com.hk/viewthread.php?tid=1861001&extra=page%3D10&page=1