下葬浩園的英魂無端被騷擾，與無綫電視的劇集有關？被視為正義之地的浩園，前晚在無綫劇集《愛情全保》大結局中出現，劇中飾演退休警長的秦沛與女兒劉玉翠，一直存在隔膜，劉誤會父親志大平庸，劇情指她在父親失蹤後到浩園尋父，面對這幅正義墓地，一時感觸，向着墓地尊敬地鞠躬。城市大學犯罪學課程主任黃成榮推測說：「浩園係正義象徵，可能睇咗之後挑起某些對政府不滿人士的內心怨憤，做出一些挑戰政府的行為！」
黃相信今次事件並非針對某一個政府部門，「好明顯係衝住整個政府而嚟，唔排除社會有一啲弱勢社群，認為政府有處事不公嘅地方，又投訴無門，所以用呢啲咁極端嘅方法發洩憤怒，係講畀政府聽嘅一種不滿聲音。」
玄學家指破壞者有報應
玄學家麥玲玲則認為，中國人向來着重入土為安，「過咗身就唔好搞啲先人」，做出如此缺德行為的人，可能會有絕子絕孫的報應，「其實農曆七月鬼門關開咗，好少人會去墓地㗎，呢個人可能唔信呢啲嘢。」
她稱，相比起掘墓，今次只有照片受破壞，影響較輕微，加上政府的墓園磁場正氣，故「後人盡快修葺好就會冇事。」