日本男星小栗旬近日獲電視台力捧上位，不但演出《名偵探柯南》真人版劇集，另一齣日劇《花樣男子》續篇又會喺明年添食。不過佢嘅緋聞同樣多姿多采，佢自從今年4月同Morning娘前成員矢口真里分手後，即極速搭上有「翻版鈴木亞美」之稱嘅時裝雜誌《non-no》靚女模特兒田中美保。同樣熱愛滑水嘅小栗旬同田中美保，曾被目擊喺表參道拍拖，兩人戀情更係模特兒界公開嘅秘密。