上NOW.com.hk討論區，見有網友Post咗個好無聊但又好多人想知嘅題目──鍾意KFC定麥當當？本住記者精神，我決定要數吓M記定係K記嘅支持者多，先唔講結果畀大家知，又睇吓一眾網友有乜意見先。網友天野Ice話：「麥當當，我細細個就開始食！」另一網友J哥哥就話：「麥當當啲姐姐夠靚女，我好鍾意又一城嗰間有個叫『珠姐』嘅姐姐！」結果咁一面倒？非也，網友菲菲貓就話：「麥當當太Cheap，周街都有！」好喇，到K記支持者癲氏發言：「KFC新嘢好食，啲湯都幾好飲！」望落個勢似乎叮噹馬頭喎，好喇，開估──M記支持者有20人，K記捧場客就有16人，騎牆派就有13人。至於我呢，就同網友J哥哥嘅意見一樣，鍾意M記啲靚姐姐多啲。有心嘅話，搵日去又一城昅昅，睇吓傳聞中嘅珠姐係咪真係咁索？
網址： http://forum.netvigator.com/forum/thread.jspa?threadID=68006&tstart=0