混血名模Rosemary早前撇甩任其經理人的母親Julie，自行簽約EliteModel接job，Julie昨日在金鐘Cova歎茶，她透露正與客戶洽談女兒的新工作。
幫手接內地騷
提到合約，Julie即勞氣地說：「唔好講到我哋要分家咁，我又唔係要靠佢開飯，我想幫佢簽內地嘅騷，香港以外地區，我仲係佢嘅經理人。」她又連環發炮說：「我唔介意人哋話我倒米㗎，香港啲騷得三幾萬一場，內地就次次過十萬，點同？我承認我係睇錢嘅人，咁我又唔係做善事，點解唔可以講錢？」
問Julie與女兒現時關係如何？她說：「就算我同個女真係有拗撬、有磨擦，唔通咁樣就唔一齊生活咩？點樣生活都要過㗎啦！」Rosemary曾為拍拖與母決裂，Julie對此說：「我只係想佢醒啫，我最鍾意佢拍拖，好似徐子淇咁，人哋阿媽有冇反對佢？冇呀，因為人哋醒目吖嘛。」
採訪、攝影：GeneNg