恤衫領位發黃係經常遇到嘅事，好多時都唔知點先可以清洗啲黃迹。最近網友TBA都有同樣嘅煩惱，佢有件恤衫成年無着，有一日拎番出嚟，見到衫領黃晒，用咗好多洗衣粉洗都洗唔亁淨！唔少熱心網友都提供咗好多小貼士畀佢，大部份都係話用漂白水，不過漂白水始終都會傷害咗件衫嘅質地，所以有啲網友就發明咗天然嘅方法，佢哋自己試過，話好有效咁話喎：
1.菠菜水：經過熱水滾燙後，撈起菠菜，留起菠菜水，在有黃迹的地方放入菠菜水中搓揉，浸泡10分鐘，浸泡後撈起衣物，再依一般洗衣程序洗淨衣物。
2.香蕉加檸檬：在發黃的污迹上輕擦一會，件衫嘅污迹就會慢慢減少，之後再以平常洗衣方法洗衫或者放入洗衣機就得。
3.唧牙膏：用牙刷將小量牙膏在污迹上仔細地擦，洗刷後放入洗衣機清洗即可。
4.用白飯：用牙刷將白飯塗在污迹上輕擦，再用手大力捽，就可以洗甩黃迹。
5.冬瓜汁：用冬瓜汁浸1個鐘，然後再以平常洗衣方法清洗衣服。