德國波又開鑼嘞！我謝利研究咗周六德甲聯賽的賠率好耐，得到少少結論，其中有兩場波今晚值得玩吓，喺呢度同大家分享一吓。
史浩克04主場對法蘭克福的主客和賠率，主勝熱到爆燈，只得1.38倍，和波有3.9倍，客勝更有7.2倍，史浩克攞3分好似好穩陣；不過呢班波除咗有主場之利外，仲有唔少十字軍，而且史浩克孭親飛，好多時都贏唔到。
反而，法蘭克福簽入高原直泰同基傑亞高斯後，全隊攻守平衡都大有改善。開出咁嘅賠率，好大機會係因為普遍賭波客覺得季初少爆冷，已傾向支持較強嘅一隊。
故此馬會開到史浩克04咁熱，好可能只係一個假象，情況就好似法甲第一仗，巴黎聖日耳門咁，主場輸波㖭。我個人估計法蘭克福可保不敗，最好嘅投注策略係「讓球主客和」嘅「客勝」，賠率有2.8倍㖭！
漢堡「主勝」開「大」
另外一場推介，係漢堡主場對比勒費爾德，呢場波嘅賠率同史浩克嗰場一模一樣，不過我今次就睇好主隊有力大勝。
最大原因就係，比勒費爾德喺我心目中，係完全唔識踢客場波；漢堡經過歐冠盃外圍賽洗禮，狀態亦都較易操起，「讓球主客和」就要「主勝」，博漢堡主場殺得性起，捧埋入球大。
立博亞洲區首席博彩顧問謝利
電郵：[email protected]