早幾日有貨櫃車在告士打道天橋翻側，壓着對行線的Corolla車尾，司機一額汗，行慢少少都被壓住。香港政府常說自己好先進、好文明、係世界大潮流，但連貨櫃的條例都老土過人，外國好多貨櫃就用鋁合金板，除了減輕車身重量，仲可保護其他道路使用者。好似這段短片，條友就被部大貨車壓住，好彩鋁合金板有少少彈性，所以只係扭傷條頸。
http://www.i-am-bored.com/bored_link.cfm?link_id=18868
貨櫃車是好得人驚的車種，但他們偏偏永遠就「亂咁飛」，好似《蘋果日報》外的環保大道，每天看着泥頭車劈住咁行，真的心驚膽跳，雖然警方經常「捉快車」，但他們有對講機，一呼百應，阻嚇效用不大。不過咁，上次有位阿SIR說：「你用電話短片影低佢，影埋個車牌，再投訴，咁就搞掂喇，好過我哋去影快相。」
記者：伍旋卓