世盃完咗球迷都唔係冇波睇嘅：德甲同歐冠外圍賽就已經踢緊，即將開鑼嘅又有英超、西甲同意甲。其實今屆世界盃令我對足球產生好濃厚嘅興趣，知識亦多咗，至少我𠵱家都知，一隊波贏咗有3分、和波有1分、輸波就冇分喇！仲連乜嘢係4-3-3同3-4-3都知㖭！
頭炮大戰錫菲聯
我之前同大家分享過世界盃，但𠵱家就同大家分享英超聯喇。英超係長途賽，冇話打分組賽、要幾多分出線、之後點樣走線等等；每場波都真係要博到盡嘅。20隊英超隊伍入面，我有幾隊心水之選，就係曼聯、阿仙奴、車路士同利物浦喇。
尤其係利物浦，上季雖然喺英超只能排第3，但就成功喺04/05球季稱霸歐洲，力壓AC贏得歐冠盃，你都唔好話唔犀利。想睇利物浦賽事嘅球迷，就唔好錯過8月19日紅軍喺英超嘅頭炮大戰錫菲聯喇！另外8月20日都有曼聯對富咸，車路士對曼城呢兩場心水賽事，又睇吓有冇你鍾意嘅球星，到時佢哋表現又係點啦！下星期見。
TOBY梁靖琪
走出女生宿舍依舊人氣高企，不惜捱更抵夜睇波。