德甲通常是「4大聯賽」中最早開鑼的聯賽，趁現時未有英超賽事落注，不妨為大家分析德甲首輪秩序的玄機；從周六開出的六場德甲賽事看，足智彩竟全部開出「讓球主客和」，但現正值季初，各隊狀態均屬未知數，對賽雙方的實力是否這麼懸殊？
簽兩新鋒將火力夠猛
除漢堡應可憑主場擊敗比勒費爾德外（詳見另文），筆者對史浩克04主場對法蘭克福開「大」最具信心，預期兩軍全場可炮製大波膽比數，重心選1.7倍「大」。今季史浩克04攻強守弱，新簽下的哈利艾天托普及盧雲克蘭斯全是射門慾極強的前鋒；加上今場主力如中場連干及前鋒古蘭爾停賽復出兼正選上陣，火力相當猛。既然法蘭克福作客經常不打守勢波，對撼下不難開出「大」。
另外，緬恩斯近期在熱身賽展示出強大攻力，就連對利物浦亦可轟入五球。不過，緬恩斯今場有前鋒艾度、艾列及卡斯全部因傷缺陣，球迷不要心諗「佢哋贏過利物浦喎！」而盲目投注緬恩斯，因波琴有前鋒米斯莫域停賽，以後者穩打穩紮的作風，作客守和唔奇，今場則有啲鬼似開「客勝」。都係嗰句，季初宜睇定球隊狀態小注為上，之後大把波有得賭啦！
文：畢傑