每個人點睇公司有冇人情味嘅定義都好唔同，作為一般打工仔，只要公司架構穩定，唔使成日心慌慌，可以專心一意努力工作，得閒有啲員工福利，咁嘅人情已經夠晒味嘞。想啲味再濃郁啲，或者試吓好似世紀21咁，請專人嚟公司教吓員工煮咖啡，咁就真係唔止夠味，仲可以提神醒腦㖭，開多幾晚夜、加多幾個鐘頭班都掂啦。
其實，咖啡對於工作時間起碼9粒鐘嘅都市人嚟講，都幾有用處，而一邊搏殺搵銀，仲要進修學增進銷售技巧、管理知識、客戶關係嘅前線代理，就更加需要佢嚟提吓神。啱啱成立咗「專業導師會」嘅香港置業，喺不斷招攬各界專業人士做講師之餘，或者都可以試吓整多幾部咖啡機、小食機，慰勞吓咁勤力嘅員工吖。