網友佳慧係個小說迷，買埋買埋啲書叠起儲埋都有成幾個櫃咁高，正當佢打算執拾吓嘅時候，就發現有好多書蟲。不過唔可以直接向書噴殺蟲水，又唔想拍死佢哋整污糟本書，點算好呢？
其實書蟲必須於潮濕及有空隙的環境才能生存，只要環境亁燥、沒有裂縫就會自然消失。網友阿風報料，佢話在中國古代，讀書人家會將一種叫芸香草的植物放在自己的書櫃，能夠驅除書蟲，且會發出一種淡淡的清香，而現代人驅除書蟲多數用樟腦丸，或香薰精油，用亁辣椒粉和蒜頭亦是有效方法，不過味道就……所以佢提議用活性炭、木炭、或用過的濾水器濾芯（廢物利用，洗過後晾亁就可以了）放在書的附近，都可以有效除濕和驅走書蟲。如果想將書蟲一網打盡，將石膏粉撒在浸濕的白棉布上，隔夜放在房間一角，放的地方要接近書蟲的藏身處，一次過捉晒佢哋就一勞永逸。
另一個網友小敵就在書蟲藏身處旁邊放一塊木板，板上再放一顆稍微磨碎的薯仔；書蟲晚上出沒時就會鑽進馬鈴薯裏面大快朵頤，第二日朝早，你就可以把薯仔連同書蟲一起丟掉，大家不妨一試。網友咁多解救法，10優狀元都咪做蛀書蟲喇！