單親媽媽阿娟因無力購置新熱水爐，連月來冒着漏電的危險，仍使用損毀熱水爐。蘋果日報慈善基金早前撥款2,000元助她添置新熱水爐後，阿娟與三名子女不用再捱煲水及排隊洗澡的日子了。
與丈夫離婚近10載的阿娟，現時獨力照顧三名子女，兩名女兒分別17及19歲，並剛找到工作。
早前，阿娟家中已用了近10年的電熱水爐因電線霉舊，無法使用，又無法籌措金錢買新爐，與三名子女每晚均要輪流等沖涼。
「𠵱家沖涼唔使排隊，慳番好多時間，又唔使煲水，即開即有，方便好多！」阿娟指着獲蘋果日報慈善基金撥款購買的熱水爐笑不攏嘴，「我冇諗過會咁快有人幫，前前後後都係一個月時間，又有熱水爐，又有電視機同埋電飯煲。」
捐贈電視機飯煲
阿娟所指的電視機和電飯煲均由讀者捐出，雖是二手，但她並不介意：「以前部舊電視機個按掣鬆咗，要用螺絲批頂住，碰一碰，鬆咗，就連畫面都冇埋。」至於之前的電飯煲因煲飯「黐底」，結焦的米飯佔了三分一，十分浪費。阿娟望着讀者捐出的電視機和電飯煲開心不已，「出街消費好貴，我哋冇乜娛樂，有部電視機睇吓，就係最好嘅娛樂。」
剛修讀再培訓課程中有關勞工法例的阿娟，暫時未決定報讀那一行業，她曾試工一日擔任家務助理，可是不滿自己表現欠理想，現時希望報讀保安課程，或者待子女長大有自顧能力後，再出外找工，不用領綜援。
捐款編號：C1136