踢波不小心用球傷人你會怎做？向人家賠罪道歉？還是像他一樣，惡人先告狀，用粗言穢語罵人。上月底有人在YouTube，將一段名為「馬崇波歷克狂X呀嬸」的短片上網，短片見一名身穿德國隊長波歷克球衣的「球場惡霸」，一開始就以粗口指罵相信被他所傷的紅衣少年及其家人，還指「個波冇眼㗎喎！」雙方互相指罵近兩分鐘，其間還不時傳來同伴起哄及偷笑聲。
該段短片至深夜點擊率已逾2.3萬次，並引來不少網友在YouTube及多個討論區討論，有人更公開球場惡霸身份，為馬鞍山崇真中學準備升中五的學生，其中在高登討論區及YouTube留言板，有網友指「佢喺度瞄住班細路嚟射好耐嫁喇」、「唔好畀我見到佢，我實打佢」、「簡直影衰佢地屋企、學校、香港形象」、「成班人一啲家教都冇」；更有人發起網上行動，「一於喺網上搞大件事，等佢好似巴士阿叔咁出位！」
臨床心理學家朱嘉麗指出，時下青年多自我中心，做錯事還惡人先告狀是怕被罵：「佢諗住兇番你轉頭，你咪唔敢鬧番佢囉。」不過，她強調「冇必要搞到咁大，咁會畀人錯誤信息，就係影人哋啲衰嘢，同喺網上批判別人行為，呢啲係巴士阿叔事件帶嚟嘅不良影響。」外展社工協青社助理總幹事謝貞元說，球場惡霸的同伴不但沒出言制止，還拍下短片，等同幫兇，火上加油。
本報記者
