歐冠盃就好似糖衣毒藥，打得好梗係可以名利雙收，不過中型班球隊要兼顧歐冠盃同本土聯賽，好多時都兩頭唔到岸，最經典例子就係西甲嘅切爾達，04年分心打歐冠盃，結果搞到降班，今期鬼盤情報，就推介兩隊周中剛剛打完歐冠盃外圍賽嘅球隊。
赫斯上季有立陶宛富商羅曼諾夫入主，扮到好似「蘇超車路士」咁，不過穿透把戲，羅曼諾夫只不過請來幾個同鄉，同二三線球員加盟，上季攞到蘇超第二，並唔係佢哋叻，只不過係格拉斯哥流浪渣啫。周三對住作客唔叻嘅希臘球隊AEK雅典，都要輸1:2；返嚟聯賽主場對福爾柯克，海外亞洲盤初盤讓到球半，重槌下盤嘅球迷，梗係唔介意搭船過大海買啦；不過馬會都開「讓球主客和」，又要考大家「腦力」，赫斯主場都有啲威力，博個讓球「和局」啦！
里爾疲兵讓唔起朗斯
相似理由，再博法甲嘅里爾主場贏唔到朗斯；里爾本身兵源唔多，博咗聯賽同歐冠盃各一場，點都要回氣；朗斯屬典型硬朗防守球隊，作客等對手攻，然後打反擊，里爾讓平/半，博下盤啦。
由歐洲轉到南美洲，焦點梗係自由盃決賽，兩支巴西兵內訌，聖保羅首回合主場輸1:2，下周三輪到國體會主場。點計都會放棄一場本土聯賽，專心爭盃啦，福塔雷薩同戈亞斯要得過。文：牽牛