做機收身的泡沫爆破，女士們重新認識持之以恒的運動才是長久收身之道。最近兩大運動品牌PUMA同adidas，在同一時間推出秋冬全新運動系列，想知道點先可以襯得好睇又實用，即搵靚女名模陳嘉容為你教路！
記者：羅灝汶
攝影：伍慶泉
Model：Yu@Puremodels
做瑜伽更醒神
做瑜伽瘦身，包含不少高難度動作，例如拉筋、分腿、一字馬等柔軟度高的動作，所以有一套彈力超強嘅套裝是最基本的裝備。上身用粉橙色配搭黑色長褲，除了顏色方面令人醒神，彈性同柔軟度高嘅長褲更加有助表現優美線條，大汗的女士們做抱膝、提腳等伸展動作時更不會因汗迹濕滑而跣手，比短褲仔更實用。
Plus！
瑜伽屬於靜態運動而且關乎對內溝通，淺色上衣絕對係配搭定律。而adidasWoven長褲彈性十足，當中加入ClimaCool同ClimaWarm技術，可幫助運動時透氣散熱，而冬天時又可以防寒保暖，最啱玩大動作運動時使用。
PUMA白色Tee$249（b）
adidas黑色Woven長褲$250（a）
戶外運動着Jacket
想減肥？跑步當然係最有效瘦身嘅帶氧運動！不過你又知唔知點解室外運動要襯Jacket？原來Jacket可以有助焗汗瘦身，在夏天時反射陽光而且唔會太吸熱，又可以減少太陽直接照射引致皮膚變黑；在冬天的寒冷天氣下更可發揮禦寒保暖的功用。
PUMA桃紅色RunningTee$259（b）
PUMAWovenJacket$599（b）
adidas灰色運動長褲$390（a）
PUMA粉藍色CompletePrevailIV$699（b）
Plus！
跑步要有良好效果，上身穿Jacket當然少不了，內衣就可以揀選一件鮮色背心，因為晚間跑步時有助駕駛者留意到跑步者，防止危險發生。
adidasTrainJacket$520（a）
adidas橙色GymTee$230（a）
PUMA黑色內膽短褲$250（b）
adidas黃色運動鞋$500（a）
Gym房密密焗
大部份女士們去做Gym都會着深色背心或者緊身長褲，想襯得更Smart，不妨上身着鮮艷ZipTop再襯一條貼身運動短褲，着埋桃紅波鞋即刻搶晒。PUMAZipTop可以焗汗幫助瘦身，貼身adidas短褲柔軟舒服，去到健身中心一定係全場最搶！
PUMA粉紅色HalfZipTop$270（b）
adidas黑色短褲$250（a）
PUMA粉紅色CompletePrevailIV$699（b）
Plus！
adidas新推出的Adilibria系列，採用ClimaLite同ForMotion技術，令衣料更輕身柔軟，啱晒做Gym時嘅大動作。如果覺得桃紅色太Sharp，不妨試試以下配襯，一樣好睇又實用。
adidas灰色背心$420（a）
PUMA黑色短褲$229（b）
PUMA橙色CompleteTenosIII$829（b）
陳嘉容話：咪揀闊身衫褲
集名模及美容書作家於一身的陳嘉容（Eunis），一直對於瑜伽、做Gym等運動好有心得，因為可以保持身體最佳狀態。除了以上配襯貼士外，Eunis還說：「平時做Gym、玩瑜伽，最緊要揀合身嘅運動服，最好就Fit晒自己身形。因為有啲女士身形唔係太均勻或者比較肥胖，就會去揀選一啲鬆身運動服去掩蓋身材，呢樣我就最唔鼓勵，因為咁會忽略運動服嘅功能性。例如穿棉質衣服做運動會太過吸汗，反而令到穿着時極不舒適，所以揀運動服應該愈輕愈薄最好，咁做咩運動都可以好靈活。」
（a）adidasshop（28138443）銅鑼灣軒尼詩道555號崇光百貨公司4樓
（b）PUMA專門店（23771775）尖沙嘴海港城2605-6號舖