上市公司嘅董事離任或委任，本來係平常事，不過，委任董事都可以出現「羅生門」事件就真係騎呢！
話說宏通集團喺上月3日委任武鎮國為執行董事，通告話呢位仁兄喺加州柏克萊大學讀書，係ChinaCenturyGroupHoldingsLtd嘅主席兼創辦人，過去三年並無喺任何香港上市公司擔任董事職務。公司話未同佢訂立任何服務合約，但初步同意每月支付2萬元酬金畀佢。
不過，噚日宏通出咗另一則通告，話董事會錯誤指武先生已獲委為董事，並澄清佢未獲委任為董事，雙方亦冇達成任何協議或同意收取每月2萬酬金。
華華睇完兩則通告後一頭霧水，但肯定嘅係，一般獨立非執行董事，酬金每年都有10萬，若年薪24萬大元可請一個執行董事，都幾平。