長者安居服務協會總幹事馬錦華指，大部份入住老人院的長者都是非自願，加上要改變數十年的生活習慣，部份難免會變得較暴躁，「人哋條濕毛巾嘅擺位太近佢、鼻涕紙巾亂咁放，咩小事都可以嘈一餐。」他直言，院舍員工應多尊重長者個人的生活習慣，並給予他們更多獨立空間。另外，長者初入住院舍時家人亦應經常探望，「佢哋見到屋企人都係關心佢哋，個心舒服啲，亦都會心平氣和啲。」
劍橋護老院負責人陸艾齡亦承認，長者在院內經常會為小事發生爭拗：「啲老人家最鍾意就係投訴隔籬床位。」她表示，職員會盡早介入充當「和事佬」調解他們爭拗，以免發生意外，但大部份老人家都很頑固，「真係好難搞」。最有效的做法便是將他們分隔開，或安排入住獨立單人房間，減少爭拗。