日前，網上討論區有人話，SE旗艦作P990i已經冇打算推出，不過此話一出，水貨機即時現身先達，恰似一洗謠言嘅意思！據水貨舖店員講，P990i曾經喺上星期六出現，不過全場只得4部，仲炒上$9,800海鮮價，以為太貴冇人吼咁就錯喇，傳聞即日就賣晒，搞到𠵱家鬼咁渴市㖭！
早於去年底，P990i已經喺本港曝過光，可惜係測試版本，除咗外形已被確定之外，大部份功能都用唔番，實際好唔好用仲未知。但傳聞話，呢批水貨唔單只屬於「正式落場版」，仲用上中文介面，似乎好啱本港玩家；不過，自從上一次K800i發生咗樣辦機流入市場嘅傳聞後，買家仲係小心啲好，以免受騙。
已有水貨店接受P990i預訂，第二批貨將售7千幾蚊。
記者、攝影：尹謹基