曼城領隊皮亞斯日前話門將占士開晒聲想離隊，傳聞話占士向樸茨茅夫送秋波。講真，占士喺曼城發展唔差，想過檔老樸都幾耐人尋味，怕且又係為女死，為女亡，想同住喺南部嘅未婚妻再親近啲。講時講，假如佢真係投老樸，就同蘇甘保並肩作戰，假假哋兩個都係過氣英格蘭國家隊主將，有睇頭噃。