美國聯邦調查局（FBI）的研究顯示，九成連環殺手在年少時均曾有虐待動物的不良紀錄，城大犯罪學課程主任黃成榮表示，冷血兇徒狠心向無辜狗隻下毒手，心態可分為三大類：欺凌心態、復仇心態及貪玩心態；但無論是甚麼原因，都反映兇徒心理變異，若不接受治療，日後有可能成為嚴重罪犯。
至於兇徒對待案中唐狗的手法，黃成榮則指：「斬晒佢啲手手腳腳就梗係殘忍啦，但唔通扑死佢就算唔殘忍咩，所以唔應該咁分，佢一定係黑心㗎啦，希望佢明白天理循環啦。」
保護被遺棄動物協會總幹事范韻清則認為，即使現行法例已將虐待動物的刑罪提高至監禁一年及罰款10萬元，但並無實質作用：「最近松鼠狗被餓死單案，個主人只係被判幾日監同罰款1,000蚊，我哋梗係失望啦，根本冇阻嚇作用，同以前有咩分別啫，只係敷衍我哋呢啲愛護動物嘅人囉。」