喺我眼中，足球博彩都可以用一種投資態度去看待，今個球季《蘋果波經》有新嘗試，先由華度、牽牛及小弟呢三位熱愛賭波嘅信徒，組成投資鐵三角，希望能以一種新嘅角度，去解構這個足智彩每季總投注額超過三百多億嘅大生意。
我講緊以投資去融入博彩嘅態度，當然唔係過大海買大細嗰班爛賭鬼，又或者好似大陸人咁，喺街邊買份香港六合彩報嚟刨嘅無知村婦；小弟賭性甚重，股票、賽馬及足球，瓣瓣都鍾意掂，十多年前已經有運成為馬會主辦賽馬貼士比賽全季總季軍，免費機票遊英國；又「有幸」多年前兩遇股災幾乎沒頂，對足球博彩更是如癡如醉，未來小弟喺呢個地盤會逐一同大家分享種種經驗。
砌低華倫非同小可
言歸正傳，頭炮介紹「紅牛」，大家不要誤會我介紹提神飲品，其實係想提出近期賭波界甜心，奧利地的甲組榜首薩爾茨堡紅牛。有大財團注資，實力在國內鶴立雞群，由查帕東尼及馬圖斯督軍，陣中不乏香港人熟識的球員連基、尼高高華、禾蘭芬及薛基拿壓陣；在今屆聯賽4場3勝1和，係球隊近十年最佳開季戰績。可惜馬會唔開奧甲盤，但過江買澳彩者，加埋今屆3次踢歐冠盃兩次贏盤，相信捧場客長買「紅牛」，呢排龍精虎猛。
其實重點係，無論任何聯賽同球隊都可以有長期捧場之道，呢隊紅牛基本因素已完全改奱，主場連華倫都打冧；想贏錢有時就要拋開賭波為睇波呢種娛樂心態，你睇啱啱利記點樣險勝馬卡比，保住1.15倍W就會明白。下次續談呢個話題。 文：蘋果波神