51歲的陳亦潮，無論在工作和家庭方面，均做足一百分，在妻子和子女眼中更是無可挑剔的完人。然而，陳日前卻在一宗工業意外中慘死，結束了日做16小時的打工仔生涯，亦無法安享他所期待的兒女福。
記者日前到訪陳家，只見次女杏霖拿着電話傾談，忙着安排父親出殯事宜；陳太則呆呆坐在床邊，拿着亡夫生前常穿的一條破褲子。
杏霖看到母親的模樣，不禁難過地說：「老竇份人好慳，衫褲着到爛晒都唔肯買過啲新嘅，我哋買畀佢都俾佢鬧，但佢就畀最好嘅嘢我哋。」
自陳亦潮意外逝世後，陳家上下忙於打點其身後事，表面看來出奇地冷靜，但各人的腦海卻不斷浮現昔日與這位好父親、好丈夫的相處片段。
妻：係仔女嘅榜樣
「我有時等佢收工喺床邊瞌着咗，佢返到嚟就當我好似細路仔咁扶我去瞓覺，結婚咁多年都未嗌過交，佢為人好忠直，係仔女嘅榜樣。」50歲的陳太強忍淚水說。
在廢鐵廠任職的陳亦潮，育有一子兩女，現年16至23歲，長子在電腦公司任職；次女杏霖在浸會大學修讀繙譯，幼女升讀中四。由於長子薪金不多，因此一家五口生計主要依靠陳的收入維持。
陳的日薪原本只得400元，但他為了多賺點錢，將每日工時由10小時延長至16小時，日薪增至800元，但長期體力透支令他睡覺亦不安穩。
「老竇壓力好大，成日瞓瞓吓覺都發噩夢大叫，我見到佢咁都好心噏。老竇成日教我哋做嘢唔可以偷懶，人哋唔做係人哋嘅事，自己就要做足本份，我哋都有勸過佢轉做保安，不過佢知保安冇咁多錢，佢為咗改善屋企嘅生活，搵命去搏，盡能力去搵最多嘅錢。」20歲的杏霖哽咽着說。
女：老竇條命好苦
該宗工業意外發生於上月24日，當日陳在觀塘茶果嶺一間廢鐵廠監察吊運廢鐵時，疑綁廢鐵的鋼纜突然斷咗，他慘被一條重約兩噸的廢鐵壓着左邊身體重傷，送院搶救八小時後不治。
「老竇條命好苦，做嘢好搏命，舊年都試過俾機器𠝹親手，成忽肉起咗出嚟，差啲見骨，住咗兩個月醫院。出事前一日，佢仲同我哋講，話見到阿哥俾老細賞識，個女又讀大學，佢都好安慰，出事嗰朝我仲送佢出門口返工，點知...」杏霖說。
陳亦潮猝逝，不僅令陳家失去心靈支柱，亦令孤寡四口面臨經濟困境。陳太說，意外發生後其夫僱主雖已給予數萬元撫恤金，但只屬墊支性質，將來若有工傷賠償便要在當中扣除。蘋果日報慈善基金有見陳家的困境，即時從「殮葬專戶」撥款15,000元給他們應急。
捐款編號：C2110
