對於屯門公路車禍私家車起火燒死司機事件，香港汽車工業學會副會長李耀培表示，肇事私家車屬細車，保護性不及大車。至於着火焚燒是否與汽車曾改裝有關，則難下定論：「撞車着火焚燒，通常係因為撞擊力大或撞到翻車，令架車嘅油缸或油管有電油滲漏，之後遇到電線短路引起嘅火花，就會燒起上嚟，但都唔會話燒就燒，通常都會有兩、三分鐘時間逃生，除非司機被困或失去知覺。」他又說，加裝turbo或可令行車較暢順，但不一定加快行車速度。
應實施發牌制
李耀培強調，私自改裝汽車屬違法，加上汽車維修技工水準參差不齊，車主要承受一定風險：「改車嘅電線、性能、制動系統及馬力最危險，如果電線駁得唔好，好容易會短路起火，雖然唔可以話改裝架車就一定危險，但都唔贊成咁做。」他建議政府實施汽車維修技工發牌制度以提升技工水準。