論刀削麵，山西最正宗，在荃灣無人不知的「山西刀削麵皇」，老闆在山西學藝，其刀削麵絕對正宗。店中兩位師傅得老闆真傳，練得一身好武功之餘，兼練成一雙麒麟臂。弄刀削麵，要一手托着五、六斤重的麵粉糰，一手執刀左削右削，一條條新鮮削出來的麵條才可直接入鑊，有4年削麵經驗的盧師傅邊削邊說︰「要即削即煮先好食，水要夠滾，啲麵條先夠𡁻口彈牙。」我留意過，由捧起麵粉糰開始計，到師傅煮熟麵條舀入湯碗給客人，全程只需半分鐘左右，速度快到無倫，「所有刀削麵同拉麵都係即叫即做，我哋特登做個開放式廚房，等客人可以睇個一清二楚。」
煮刀削麵，最重要是取準削麵角度，怎樣捧起麵粉糰也有學問，盧師傅說：「用手托住嚿麵粉，同個爐成30至45度左右啦，咁會削得舒服啲，落刀要夠快、狠、準，呢啲就係整刀削麵精髓。」說到底不過是工多藝熟，削得多，自然合上眼睛都削得到大小長度適中的麵條，若加上拉麵，他每天要削至少500碗麵，見他托着冬瓜般大的麵粉糰，我不期然手軟，之後問：「日日托住咁大嚿麵粉削麵，又要左拉右拉拉麵，你咪好攰？」盧師傅笑笑口答︰「都慣晒啦。」眼尾也不瞧我一眼，繼續揮動麒麟臂削麵，應付不斷湧入的Order……
記者︰方綺君
攝影︰陳陶鈞
特色冷刀削麵$30
冷吃刀削麵加沙律醬，有驚喜！吃前記得拌勻沙律醬、自製擔擔麵醬和蒜頭，麵條冰涼牛𦟌有咬口，不俗。
肥牛刀削麵$30
每條刀削麵都是中間略厚，兩邊較薄，非常有嚼勁，湯甜麵條彈牙，肥牛入口無渣，邊說邊吃，我不知不覺吃清光。
麻辣手撕雞冷拉麵$32
拉麵亦不俗，每條麵條軟硬適中，夏天涼拌吃最好不過，加麻辣手撕雞，口感一冰一火，好有趣。
山西刀削麵皇（24091209）
地址：荃灣沙嘴道245號地下