網友Santa話就快去芬蘭旅行，發現月尾有個掟手機大賽，咁啱佢部諾記N80嚿電成日好快玩完，於是去旅行時就順便拎埋部N80去掟。大家都知，芬蘭係設計最多手提電話的國家，幾乎日日有新機，月月有新款，但部舊機又點解決好？7年前就有人諗出掟手機大賽，將用完用剩或者舊了的手機鬥掟得遠。網上有芬蘭友就儲舊手機，將舊款無人用的手機回收，不過唔係賣錢，而係為了練習掟得遠，睇吓邊款最好掟。如果大家對自己部機有不滿，都可以試試，有咁遠掟咁遠，無眼屎亁淨盲。舊機掉了，新機又如何？現時最多芬蘭人用的依然係Nokia，型號方面N70雖然仲係大熱，但好多人都仲係用緊舊款單色機款，貪佢夠襟用；而最新型號N92，即係可以睇電視嗰部呢，漸漸多人留意。既然掟走咗部舊機，不妨考慮喺芬蘭買番部香港都未有嘅新機威吓！
掟手機大賽：www.savonlinnafestival.com