前晚是會考放榜前夕，無綫娛樂新聞台特於一大型商場舉行節目，請來眾歌手包括周麗淇（Niki）、組合2R及方力申等為莘莘學子打氣。今年有份輔導考生的Niki稱當年考會考時雖然在試場流鼻血，但仍堅持應試。
無綫娛樂新聞台前晚在觀塘apm商場直播節目《放榜前的一個晚上》，請了150名會考生到場，方力申、周麗淇、關心妍及組合2R等歌手則逐一上台為他們打氣，無綫還即場派發紅蘋果，寓意他們科科攞A，平安度過會考。
會考前破紀錄
除方力申和KellyJackie等，大部份歌手均在外國留學，未曾親身感受放榜前的壓力。Niki表示當年考完會考後即負笈美國留學，故不知道自己的成績。今年她化身「周姑娘」輔導fans，她說：「我好多fans都係今年會考，所以我有時間都會逐一同佢哋傾偈、開解佢哋。我考會考嗰陣試過喺試場流鼻血，但都冇離開到，之後仲因為肺炎住咗七日醫院。」
身為香港泳隊代表的方力申，就表示當年會考成績有10多分，可以原校升讀預科，他說：「喺會考前三日我仲破咗香港游泳紀錄，當時我游水同讀書嘅比重係七同三，好少時間讀書，所以升大學嗰陣差啲追唔上。」
前晚蘇民峰也有到場，提到有相士指謝霆鋒與張栢芝復合必有一死，他說：「呢啲係命運嚟，邊有一個人影響另一個人？條命要你死就一定要死。」
採訪：卓寶花
攝影：陳順禎
