最近看某部電影，主角為逃避敵人，往往會在對方的排氣喉放入香蕉，結果是敵人撻不着車，只有氣憤地望着主角離開。現實裏，一條蕉是否有這樣大的威力，令引擎不能啓動呢？理論上，香蕉插在排氣喉嘴時，可阻止廢氣排出，廢氣回壓令引擎的氣缸不能排氣，產生Overlap燃燒，繼而Knocking，死火。講無用，試過就知。
我的答案是：假嘅，除非條蕉圓周大過12.7cm，而且仲要識得變形，令排氣喉密不透風。
我找了同事Dennis的Corolla作試驗，在他的原裝死氣喉中插進一條圓周12.7cm的大蕉，再啓動引擎，那條蕉竟然自動彈出。好，用手大力壓着，再試，結果是仍然可以撻車，廢氣由香蕉側噴出，行車也沒有問題。加大一點油，香蕉又應聲彈出。
如果各位要學電影主角咁有型，就必須找到條圓周約15cm的變種巨型大蕉，記住，如果係保時捷就煩喇，佢有4出大尾喉，你要準備4條巨蕉喎。
記者：伍旋卓