太古A（019）兼國泰航空（293）主席白紀圖腳頭好到不得了，連港機工程（044）都帶旺埋。他昨日正式做埋港機主席，令這隻低調的基金愛股單日升一成，變成紅底股（股價超過100元），真係唔到你唔服，股東係開心。不過，腳頭好是不夠的，白紀圖更要有真功夫，發揮國泰、國航（753）及港龍這個「港中英」航空組合的優勢，令3家公司齊齊賺大錢。
白紀圖2月上任主席處理太古系今年最重要的事－－是國泰收購港龍航空，兼與國航互控的大刁。太古前兩任主席多番努力仍未完成，終於在白紀圖上任後落實。
白紀圖未來新挑戰是如何發揮這個「港中英」航空組合的優勢，在兩岸可能直航及愈來愈多海外航空公司，開闢中國市場的新形勢下，將國泰的國際航空網絡，經香港緊接內地市場，終極目標當然是令到3家公司齊齊賺大錢，股價長升長有，這樣才能顯出他的真功夫。
主席生涯「greatfun」
不過，他肯定已經深得股東愛戴㗎啦！別的不說，今日公布中期業績的太古，昨日又創歷史新高，收報83.55元。港機業績勁靚兼大派特別股息，刺激股價昨暴升10.8元，收102.2元。難怪白紀圖以極之有趣「greatfun」來形容過去7個月的主席生涯。
本報記者