林憶蓮啱啱情變，同舊愛陳輝虹再度分手，不過工作大計不變，遲啲返內地開演唱會𢱑銀。噚日佢去到九龍城一間排舞室排舞，到夜晚近八點鐘先走。身穿運動服嘅佢明顯精神唔錯，仲同記者揮手拜拜，之後就坐保母車走。之前有報道話憶蓮租咗跑馬地藍塘道豪宅，打算帶埋個女同陳輝虹過三人世界，𠵱家情已逝，唔知佢仲有冇心情搬新屋呢？