內蒙古名企業蒙牛個老闆牛根生，雖然口口聲聲話自己係粗人（牧牛人）出身，但其實佢嘅氣量、經營生意心得，比好多讀飽書嘅西裝友好得多！好似喺一個論壇上，牛哥話佢哋同伊利會長期並存，就好似百事同可樂咁，唔會話邊個食咗邊個，總之永遠咁鬥落去就最好。
伊利係何方神聖？就係牛哥以前喺度做洗奶樽仔嗰間廠，當年牛哥仲幫佢個老闆鄭俊懷打江山，不過鄭生唔知係咪忌才，所以最後算係不歡而散，但亦造就咗牛哥打造自己嘅蒙牛王國。咁多年來，牛哥講起伊利都仲係客客氣氣，冇一句惡言，真係令人心服。
至於話經營哲學呢？牛哥話世界上唔理咩事，只要你知道咩係死路一條，就可以殺出一條活路！
咁邊啲人先係真正企業家？就係對自己最狠嘅人！