新舖速遞：撐22歲靚廚　墨汁意粉最鮮

記不記得自己22歲時在哪裏？忙甚麼？如果22歲已經成為大廚，通曉多國菜式，還有間屬於自己的美女廚房，夠厲害了吧！今日主角是LingLing，她人美，她的廚房沒有飛釘沒有低胸沒有譁眾取寵，有的是內在美、夢想：「我開餐廳唔係貪威風，我淨係想有個屬於自己嘅廚房，煮我鍾意嘅菜式同朋友分甘同味，就係咁簡單。」我也想學她，可以寓工作於娛樂。

記者︰方綺君
攝影︰陳盛臣

墨汁海鮮扁意粉$118

看麵條顏色分布不均勻，就知墨汁扁意粉是親手自製，絕非市面用色素上色的亁貨，入口份外有墨香，好味在這份誠意。

煙三文魚帶子酥皮盒$88

我的至愛，賣相雖然不夠精緻，不過龍蝦汁充滿芝士香味，酥皮中和到三文魚略鹹的味道，帶子亦很有咬口。

香煎原條海鱸魚$98

傳菜時已聞到陣陣魚香，別看海鱸魚煎得似黑炭，咬落不知幾香脆，捨油膩忌廉汁改配清淡香檳忌廉汁，更能帶出魚鮮。

扒大蝦配蒜茸牛油香草汁$138

加拿大虎蝦用蒜茸和牛油先煎後焗，無變成亁蝦，蝦肉仍然非常多汁，配合LingLing秘製香草汁，味道滿分。

海鮮拼盤$338

小小餐廳提供到份量十足的海鮮拼盤，兩磅重愛爾蘭睡蟹、青口、三文魚、生蠔、翡翠螺，份量多夠新鮮，貴些少都值得。

荷蘭煙鱔沙律$60

荷蘭空運到港的煙鱔預先用木糠煙熟，味道竟有幾分似德國肉腸，自製沙律醬加入了芥末，蘸煙鱔吃微辣，很惹味。

寓工作於娛樂

年少有夢，LingLing說︰「我細細個已經成日偷睇媽咪煮嘢食，自己都好想煮埋一份。」烹飪自小就是她的興趣、夢想，16歲機緣巧合到某高級飲食集團學廚，就在那時候她練出十八般武藝，「最難捱係初初入行嗰陣，好多人見我係女仔，廚房工作又咁辛苦，以為我捱唔到好耐，俾人睇死，個心好難受。」結果是一地眼鏡碎，她不但捱得起，一做6年最後還當上了助理大廚，工作時，LingLing絕不會因為是女孩子就享有特權，粗活照做，重物照搬，「多得呢個飲食集團有唔同類型嘅餐廳食肆，我可以走勻晒咁多類型嘅餐廳，每次到唔同餐廳都係由零開始，但可以學到唔同菜式，𠵱家我識煮中菜、韓菜、泰菜、意大利菜、法國菜……」

■LingLing於2004年獲香港國際美食大獎西餐熱盤組銀獎，廚藝獲得認同。

三人行同聲同氣

LingLing留在集團前途理應無可限量，選擇離開開餐廳，何解？「工作上認識兩個朋友，嗰陣又想自己搞間餐廳，完成自己嘅夢想……」不用再說，我明白，對的，三個人同聲同氣開餐廳，是件樂事。現在LingLing負責廚房、Jimmy負責樓面、曾經開過甜品舖的阿朱負責店舖雜務。「Chu'sCuisine」開業半個月，三人合作無間，除每日買菜、煮菜、設計新菜，LingLing還說︰「如果附近有小朋友想學廚，我可以義務教番幾招畀佢哋。」自己夢想成真，也希望其他小朋友有機會學廚，這就是我說的內在美了。